اسلام آباد (نمائندہ خصوصی)وزارت اقتصادی امور کی کوششیںسے ، آسٹریلیا پاکستان میں پانی کے منصوبے کے لئے 3 ملین آسٹریلوی ڈالر فراہم کرے گا ،وفاقی وزیربرائیاقتصادی اموراحد چیمہ کی منظوری کے بعد سیکرٹری اقتصادی امورڈاکٹرکاظم نیازنے آسٹریلین سنٹرفارانٹرنیشل ایگریکلچرریسرچ کی چیف ایگزیکٹو پروفیسروینڈٰی امبرگر کے ہمراہ ذیلی معاہدے کی یادداشت پر دستخط کئے جس کا مقصد موسمیاتی مناسبت اور موافقت کے لحاظ سے پانی کی تقسیم ہے۔ اس معاہدے کے تحت آسٹریلیا پاکستان کو پانی کے اس منصوبے کے لئے 3 ملین آسٹریلوی ڈالرفراہم کرے گا یہ تقریباً پانچ سال تک مکمل ہوگا۔ یہ ایک تحقیقی منصوبہ ہے اور اس تحقیق کا مقصد پاکستان میں نہری پانی کی تقسیم کے بہتر فیصلوں اور طریقوں کی اعتباریت کو بہتر بنانے میں مدد کرنا ہے تاکہ پانی کی تقسیم کے معاہدے کے ٹول کو اپ ڈیٹ کر کے، آن فارم واٹر سٹوریج کے مکانات کی تلاش وسط سیزن کی منصوبہ بندی اور آپریشنز کو شامل کیا جا سکے۔اور ان تمام امورکا مقصد آب و ہوا کی لچک، موافقت کا انتظام، اور کاشتکار برادریوں کے لیے بہتر سماجی اور اقتصادی نتائج کے لیے پانی کے مساوی استعمال کو حاصل کرنا ہے۔وزارت اقتصادی امور کے سیکرٹری ڈاکٹر کاظم نیازنے زرعی شعبے کی ترقی کے لیے حکومت پاکستان کی کوششوں میں مسلسل تعاون کرنے پر آسٹریلوی حکومت کا شکریہ ادا کیا۔