آپریشنل مسائل:قومی ایئر لائن پی آئی اے کی 6 پروازیں منسوخ اور 25 ملکی وغیر ملکی تاخیر کا شکار

آپریشنل مسائل کے باعث قومی ایئر لائن پی آئی اے کی 6 پروازیں منسوخ  اور 25 ملکی وغیر ملکی پروازوں کی آمد و روانگی میں تاخیر بھی ہوئی ہے۔ فلائٹ شیڈول کے مطابق پی آئی اے کی لاہور سے کراچی کی پروازیں پی کے 302 اور 303 منسوخ کر دی گئیں جبکہ ملتان سے شارجہ کے لیے  پرواز پی کے 293 کو بھی منسوخ کیا گیا ہے۔ شارجہ سے اسلام آباد کی پی آئی اے کی پرواز پی کے 182 اور اسلام آباد سے چترال کی پی آئی اے کی 2 پروازیں پی کے 660 اور 661 کو منسوخ کر دیا گیا۔ اس کے علاوہ پی آئی اے اور نجی ایئر کی اسلام آباد سے جدہ کی 3 پروازوں میں تاخیر ہوئی ہے جبکہ لاہور سے دبئی کے لئے پی آئی اے کی پرواز پی کے 233 ڈیڑھ گھنٹہ تاخیر کا شکار رہی ۔ لاہور سے کراچی کے لیے نجی ایئر کی پرواز ای آر 523 سوا تین گھنٹے تاخیر سے روانہ ہو  ئی ۔کویت، شارجہ، القسیم سے اسلام آباد کی پروازوں کی آمد میں ایک سے دو گھنٹے تاخیر ہوئی ۔