یہ حملہ آج علی الصبح دتہ خیل کے علاقے نوی اڈہ میں ایک گھر پر کیا گیا ۔ امریکی جاسوس طیارے سے دومیزائل فائر کیے گئے جس کے نتیجے میں پانچ افراد ہلاک ہوگئے۔ جن کے بارے میں شبہ ظاہر کیا جارہا ہے کہ ان کا تعلق عسکریت پسندوں سے تھا ۔ حملے کا نشانہ بننے والا گھر بھی مکمل طور پر تباہ ہوگیا۔ حملے کے بعد مقامی قبائلیوں نے اپنی مدد آپ کے تحت مکان کے ملبے سے پانچوں افراد کی لاشیں نکالیں۔ ذرائع کا کہنا ہے کہ گزشتہ دوماہ کے دوران شمالی وزیرستان میں امریکی جاسوس طیاروں کے حملوں میں تیزی آئی ہے جبکہ مقامی عمائدین نے حکومت سے ڈرون حملے بند کراوانے کا مطالبہ کیا ہے۔ ڈرون حملے کے بعد علاقے میں جاسوس طیاروں کی پروازیں جاری ہیں۔