لندن (این این آئی) ایکشن اور ایڈونچر سے بھرپور فلم ”دی ٹویلائٹ ساگا بریکنگ ڈان“ کے نئے ٹریلر نے نوجوانوں کو اپنے سحر میں جکڑ لیا، شائقین کرسٹینا سٹیوارٹ کو اس بار جارحانہ اندازمیں دیکھیں گے۔ فلم”دی ٹویلائٹ ساگا بریکنگ ڈان“ کے دوسرے حصے میں بھی فلم بینوں کو محبت، نفرت اور جنگ کے جذبات کی تکون دیکھنے کو ملے گی۔ ہالی ووڈ کی اس فلم کے دوسرے حصے میں بھی بیشتر اداکار وہی ہیں جو پرانی کاسٹ میں شامل تھے۔ اس بارکلنز فیملی اپنی بچی کو خون آشام بھوتوں سے بچانے کیلئے جنگ لڑتی نظر آتی ہے۔