یوایس اوپن : فلاویہ پنیٹا ‘ونسی رابرٹا فائنل میں پہنچ گئیں

نیویارک (سپورٹس ڈیسک ) یو ایس اوپن ٹینس ٹورنامنٹ کے ویمنز سیمی فائنل میں اٹلی کی فلاویہ پنیٹا نے رومانیہ کی سیمونہ ہلیپ کو شکست دے کر فائنل کیلئے کوالیفائی کرلیا۔ اطالوی سٹار پنیٹا نے سیمونہ کے خلاف59منٹ میں یکطرفہ مقابلے کے بعد چھ ایک اور چھ تین سے کامیابی حاصل کی ۔دوسرے سیمی فائنل میں اٹلی کی ونسی رابرٹا نے امریکہ کی سرینا ولیمز کا ایک سال میں چاروںگرین سلام جیتنے کا خواب چکنا چور کردیا ۔ اٹلی ونسی رابرٹا نے سخت مقابلے کے بعد امریکی سرینا ولیمز کو دو چھ ‘چھ چاراور چھ چار سے شکست دیکر فائنل میں پہنچ گئیں۔ فائنل ونسی رابرٹا اور فلاویہ پنیٹا کے درمیان کھیلا جائے گا۔