لاہور (نامہ نگار) شہر کے مختلف علاقوں میں گزشتہ روز ون ویلنگ کا سلسلہ جاری رہا جبکہ پولیس خاموش تماشائی بنی رہی۔ مو ٹر سائیکل ریس لگانے والے کی ٹکر سے ایک شہر ی شدید زخمی ہوگیاہے۔ گز شتہ روز شہر کے مختلف علاقوں ں راوی روڈ ،گلبر گ ،فیروز پور روڈ ،جیل روڈ ،کینال روڈ سمیت اہم شاہراہوں پر ون ویلنگ کا سلسلہ جاری رہا جبکہ فیروز پور روڈ پرگلاب دیوی ہسپتال کے قر یب ون ویلنگ کرتی موٹر سائیکل کی ٹکرسے محنت کش مبارک علی سر میں چوٹ لگنے سے شدید زخمی ہو گیا ۔جس کو طبی امداد کیلئے ہسپتال منتقل کر دیا گیا ہے۔ جہاں اس کی حالت تشویشناک بتائی جا رہی ہے ۔