نیشنل ٹی ٹونٹی ٹورنا منٹ : لاہور بلیوز نے راولپنڈی کو شکست دیدی

لاہور(سپورٹس ڈیسک )نیشنل ٹی ٹونٹی ٹورنا منٹ کے میچ میں لاہور بلیوز نے راولپنڈی کو4وکٹوں سے شکست دیدی ۔راولپنڈی نے 8وکٹوں پر 127رنز بنائے ۔اویس ضیاء 28‘آصف علی 27رنزبناکر نمایاں رہے ۔ظفر گوہر نے تین کھلاڑیوں کو آئوٹ کیا ۔لاہور بلیوز نے ہدف 6وکٹوں پر پورا کرلیا ۔احمد شہزاد 35‘ظفر گوہر 22رنز بناکر نمایاں رہے ۔ حماد اعظم اور شاداب خان نے دو دو کھلاڑیوںکو آئوٹ کیا ۔ ظفر گوہر کو میچ کا بہترین کھلاڑی قرار دیا گیا ۔اسلام آباد نے کراچی بلیوز کو 18رنز سے ہرادیا۔اسلام آباد نے چھ وکٹوں پر 151رنز بنائے ۔راحیل مجید نے باقابل شکست 72رنز کی اننگز کھیلی۔بلاول بھٹی ‘محمد اصغر اور سعید اجمل نے دو دو کھلاڑیو ں کو آئوٹ کیا۔ کراچی بلیوز کی ٹیم 133رنز بناکر آئوٹ ہوگئی ۔صرف تین کھلاڑی ڈبل فگر میں داخل ہوسکے ۔شاہ زیب حسن نے 66رنزبنائے ۔ خالد لطیف صرف ایک سکور پر چلتے بنے ۔عادل امین نے تین ‘محمدعرفان جونیئر اور زوہیب احمدنے دو دو کھلاڑیوں کو آئوٹ کیا۔راحیل مجید کو میچ کا بہترین کھلاڑی قرار دیاگیا۔