لاہور+ فیروزوالا+ قصور (نامہ نگاران+ نوائے وقت رپورٹ) صوبائی دارالحکومت کے مختلف علاقوں میں ڈاکوئوں اور چوروں نے وارداتوں کے دوران متعدد شہریوں سے لاکھوں روپے مالیت کی نقدی، طلائی زیورات، موبائل فون، گاڑیاں ، موٹر سائیکلیں اور دیگر سامان لوٹ لیا ہے۔تفصیلات کے مطابق ڈاکوؤں نے شالیمار میں ذاکر‘ اہلخانہ کو گن پوائنٹ پر یرغمال بنا کرساڑھے 8لا کھ روپے مالیت ،گلشن اقبال میں شہباز کے گھر سے5لا کھ مالیت ، برکی میں ظہیرکے گھر سے3لاکھ مالیت کی نقدی، طلائی زیورات، موبائل فون اور دیگر سامان،فیصل ٹائون میں ادریس کی فیملی سے4لا کھ مالیت، جنوبی چھائونی میں اعجاز اور اس کی فیملی سے 2لا کھ روپے، نواں کوٹ میں ظہیر اور اس کی فیملی سے سوا لاکھ مالیت،ڈیفنس بی نعیم اور اس کی فیملی سے ایک لاکھ مالیت کی نقدی، طلائی زیورات اورموبائل فون لوٹ لئے ہیں۔ ڈاکوؤں نے لوئرمال میں سعید سے ڈھائی لاکھ، سبزہ زار میں اکبر سے ڈیڑھ لاکھ اور موبائل فون،مصری شاہ میں ریحان سے 90ہزار اور موٹرسائیکل،گرین ٹائون میں عاطف کی دکان سے 40 ہزار اور موبائل فون،اقبال ٹائون میں قمر سے 35ہزار اور موبائل فون لوٹ لیا ہے ۔چوروں نے بادامی باغ میں سے سلمان، نواب ٹائون میںسے شمس،شفیق آباد میںسے سرورکی کاریں جبکہ شاہدرہ میں سے نعمان، شادباغ میں عباس، نولکھا میں شفقت،گجر پو رہ میں نادر،ملت پارک میں واجد، نواب ٹائون میں عمران،سبزہ زار میں شہزاد، ستوکتلہ میں وسیم،بھا ٹی گیٹ میںسے سر ور،نو لکھا میںسے عرفان، نواں کو ٹ میں سے بشیرکی موٹرسائیکلیں چوری کر لی ہیں۔ فیروزوالا سے نامہ نگار کے مطابق لاہور روڈ کی آبادی کوٹ عبدالمالک کے قریب موٹر سائیکل سوار ڈاکوئوں نے گن پوائنٹ پر ماں بیٹے کو روک کر لوٹ لیا۔ ڈاکو 80 ہزار روپے موبائل چھین کر لے گئے۔ بتایا گیا ہے کہ شرقپور خورد کے رہائشی شاہد جاوید کی بیوی فرح شاہد اور اس کا بیٹا عبدالعزیز کے ہمراہ بنک سے رقم لے کر گھر آ رہی تھی جب گھر کے قریب پہنچی تو ڈاکوئوں نے اسلحہ دکھاکر ان سے 80 ہزار روپے اور موبائل چھین کر لے گئے۔ ونڈالہ سیال میں چوروں نے حبیب احمد کے گھر میں داخل ہوکر پانچ لاکھ روپے مالیت کے زیورات اور 60 ہزار روپے نقد و دیگر سامان چوری کرکے فرار ہو گئے۔ چوروں نے اٹاری میں علی شیر کے گھر میں داخل ہوکر لاکھوں روپے مالیت کے مویشی چوری کرکے فرار ہو گئے۔ چوروں نے ہائوسنگ کالونی میں سعید احمد کے گھر میں داخل ہوکر لاکھوں روپے مالیت کا سامان چوری کرکے فرار ہو گئے۔ قصور میں مصطفی آباد کے علاقے راجباہ رام گھمن کے قریب مبینہ پولیس مقابلہ میں دو ڈاکو ہلاک چار فرار ہو گئے۔ ڈی پی او اسماعیل کھاڑک کے مطابق ہلاک ڈاکوئوں کو پولیس نشاندہی کیلئے لیکر جا رہی تھی ہلاک ملزمان 30 سے زائد وارداتوں میں ملوث تھے۔