لاہور(نمائندہ خصوصی)صوبائی دارالحکومت کے مختلف علاقوں میں آتشزدگی کے واقعات میں لاکھوں روپے مالیت کا سامان جل کرراکھ ہوگیا۔تفصیلات کے مطابق اقبال ٹاون کے علاقہ میں سادات کالونی گلی نمبر 5میں واقعہ گھر میں شارٹ سرکٹ کے باعث آگ بھڑک اٹھی جس سے قیمتی سامان جل گیا۔والٹن روڈ کے علاقہ میں تھانہ کے قریب گلی میں موجود ٹرانسفارمر میں شارٹ سرکٹ کے باعث آگ بھڑک اٹھی جس سے خوف وہراس پھیل گیا۔تاہم واقعہ میں کسی قسم کا جانی نقصان نہ ہوا ہے،آتشزدگی سے دو گھنٹے سے زائد وقت تک علاقہ میں بجلی بندر ہی۔ریسکیو ٹیموں نے کارروائی کرتے ہوئے آتشزدگی کے تمام واقعات پر قابو پالیا۔