کراچی (اسپورٹس رپورٹر)لینڈل سیمنزاور ڈیرن براوو کی ناقابل شکست نصف سنچریوں کی بدولت ٹرینباگو نائٹ رائیڈرز نے چوتھی مرتبہ کیریبیئن پریمیئرلیگ کا ٹائٹل جیت لیا۔ لیگ کی ناقابل شکست اور فاتح ٹیم ٹرینباگو نائٹ رائیڈرز نے فائنل میچ میں سینٹ لوسیا زوکس کو 8 وکٹوں سے شکست دیکر مجموعی طور پر چوتھا جبکہ گزشتہ چار سیزنز میں تیسرا ٹائٹل اپنے نام کرلیا۔ٹرینباگو نائٹ رائیڈرز لیگ کے فائنل سمیت 12 میچز میں کامیابی حاصل کی۔ فاتح ٹیم نے سینٹ لوسیا زوکس کی طرف سے ملنے والا 155 رنز کا ہدف بآسانی 18.1 اوورز میں 2 وکٹوں کے نقصان پر 11کیندوں قبل ہی حاصل کر لیا۔ ٹرینباگو نائٹ رائیڈرز  19.1 اوورز میں 154 رنز بناکر آئوٹ ہوگئی ۔ جواب میں ٹرینباگو نائٹ رائیڈرز نے لینڈل سیمنز کے ناقابل شکست 84 اور ڈیرن براوو کے ناقابل شکست 58 رنز کی بدولت 155 رنز کا مطلوبہ ہدف بآسانی 18.1 اوورز میں 2 وکٹوں کے نقصان پر حاصل کرکے مجموعی طور پر چوتھی مرتبہ کیریبیئن پریمیئر لیگ کا ٹائٹل جیت لیا۔