کمسن بچی مروہ سے زیادتی اور قتل کی تفصیلی رپورٹ اعلی حکام کو پیش 

کراچی(این این آئی)کراچی پولیس نے عیسی نگری میں پانچ سالہ بچی مروہ سے زیادتی اور قتل کی وارادت کی تفصیلی رپورٹ تیار کرکے اعلی حکام کو پیش کردی۔پولیس کے مطابق مروہ اپنے گھر سے شام سات بجے نکلی، مروہ کو گھر سے نکلنے کے دس منٹ کے اندر اغوا کیا گیا، میڈیکل رپورٹ کے مطابق اسے فوری زیادتی کا نشانہ بنایا گیا اور قتل کردیا گیا۔پولیس حکام  کے مطابق مروہ اپنے گھر سے 4 ستمبر کو شام 7 بجے چیز لینے نکلی، چیز کی دکان گھر سے صرف 15 سے 20 قدم دور ہے، 10 منٹ کے اندر مروہ واپس نہ آئی تو دادی نے تلاش شروع کردی، مروہ کو گھر سے نکلنے کے 10 منٹ کے اندر اغوا کیا گیا۔میڈیکل رپورٹ کے مطابق اسے قتل کردیا گیا، قتل کرنے کے بعد اس کی لاش بوری میں ڈال دی گئی۔پولیس حکام کے مطابق گرفتار ملزم نواز کا گھر مروہ کے بالکل پڑوس میں ہے لاش گرمی اور بوری میں بند ہونے کی وجہ سے مسخ ہوئی۔پولیس کے مطابق ڈی این اے ٹیسٹ کا انتظار کیا جارہا ہے تاکہ نواز کا چالان کیا جاسکے۔