آج ظلم کا بلا ٹوٹے گا‘عوام شیر پر مہر لگائیں گے:خواجہ سعدرفیق 

لاہور(خصوصی رپورٹر)  مسلم لیگ ن کے مرکزی رہنما خواجہ سعد رفیق نے کہا ہے کہ آج ملک بھر میں کنٹونمنٹ انتخابات میںعوام شیر پر مہر لگا ئیں گے اور ظلم کا بلا ٹوٹے گا۔گزشتہ روز میڈیا سے گفتگو کرتے ہوئے انہوں نے کہا کہ تبدیلی سرکار نے اس موقع پر ووٹ خریدنے کا مکرو دھندہ کیا ۔بے نظیر انکم سپورٹ پروگرام کا نام تبدیل کردیا گیا ۔ڈی ایچ اے میں الیکٹرونک سائن استعمال کیے ۔انہوں نے سوال کیا کہ یہ پیسہ کہاں سے آرہا ہے ان سے الیکشن کمشن پوچھ سکتا ہے ۔انہوں نے کہا کہ افسران الیکشن پر جانبداری برت رہے ہیں ۔انہوں نے دعویٰ کیا کہ آج شیر کی جیت ہوگی اس ملک پر 3سال سے غیر نمائندہ حکومت مسلط ہے۔ اگلا الیکشن چوری کرنے کیلئے الیکٹرونک ووٹنگ سے وہی کام لیا جانا ہے جو آر ٹی ایس سے لیا گیا،انہوں نے مزید کہا کہ آپ جو مرضی کرلیں ایسے الیکشن کو کوئی تسلیم نہیں کرے گا ۔