لاہور (خصوصی نامہ نگار) مسلم لیگ (ن) کی رکن پنجاب اسمبلی حنا پرویز بٹ نے سابق خاتون اول بیگم کلثوم نواز کو خراج عقیدت پیش کرنے کی قرارداد پنجاب اسمبلی میں جمع کرادی، پنجاب اسمبلی کا یہ ایوان مادر جمہوریت بیگم کلثوم نواز کو جمہوریت کی بحالی کے لیے جدوجہد پر خراج تحسین پیش کرتا ہے۔ کلثوم نواز نے ایک ڈکٹیٹر کے خلاف جمہوریت کا علم بلند کیا۔ یہ ایوان جمہوریت کی بحالی کی تحریک شروع کرنے پر محترمہ فاطمہ جناح، بیگم نسیم ولی خان، بینظیر بھٹو شہید اور بیگم کلثوم نواز کو خراج تحسین پیش کرتا ہے۔