لاہور (سپورٹس رپورٹر) نیشنل ٹی 20 کپ میں سینٹرل پنجاب نے دفاعی چیمپئن خیبرپی کے کو 25 رنز سے شکست دے دی۔ملتان سٹیڈیم میں کھیلے گئے ٹورنامنٹ کے 19ویں میچ میںسنٹرل پنجاب نے 193 رنز بنائے۔ طیب طاہر نے 75 اور محمد فیضان نے 72 رنز بنائے۔ معاذ خان نے 4 اور محمد عمران نے 3 کھلاڑیوں کو آو¿ٹ کیا۔خیبرپی کے کی ٹیم 9 وکٹوں پر 168 رنز بناسکی ۔ صاحبزادہ فرحان 47، رنز کےساتھ نمایاں رہے۔خیبرپی کے کی یہ ایونٹ میں پہلی شکست ہے۔سدرن پنجاب نے بلوچستان کو ڈی ایل میتھڈ کے تحت20رنز سے ہرادیا ۔ بلوچستان کی ٹیم 144رنز پر آﺅ ہو گئی ۔ سدرن پنجاب نے 6اوورز میں 54رنز بنائے تھے کہ بارش کے باعث میچ روک دیا گیا جو بعد ازاں مکمل نہ ہوسکا ۔
عمر صدیق 32اور زین عباس 21رنز پر ناقابل شکست تھے ۔ پوائنٹس ٹیبل پر خیبر پی کے کی ٹیم چھ میں سے پانچ میچ جیت کر دس پوائنٹس کیساتھ سر فہرست ہے ۔ بلوچستان ٹیم سات میں سے چار میچ جیت کر آٹھ پوائنٹس کیساتھ دوسرے ‘سدرن پنجاب سات میں سے تین میچ جیت کر چھ پوائنٹس کیساتھ تیسرے ‘سندھ ٹیم سات میں سے تین میچ جیت کر چھ پوائنٹس کیساتھ چوتھے ‘ناردرن ٹیم چھ میں سے تین جیت کر چھ پوائنٹس کیساتھ پانچویں اور سنٹرل پنجاب کی ٹیم سات میں سے دو میچ جیت کر چار پوائنٹس کیساتھ چھٹی پوزیشن پر ہے ۔