ڈسٹرکٹ ہاکی ایسوسی ایشن ساہیوال انتخابات‘قمر ضیا ء گروپ نے میدان مارلیا

ساہیوال(نمائندہ نوائے وقت)ڈسٹرکٹ ہاکی ایسوسی ایشن ساہیوال کے انتخابات 2022تا 2026میں قمر ضیاء اولمپئن گروپ نے میدان مار لیا ۔ انتخابات میں صدر اعجاز احمد چوہدری ‘ سیکرٹری  جنرل محمد ہارون بٹ‘سینئر نائب صدر 
ملک  علی  شیر  نعیم  ‘نائب  صدو ر  شہزا د عالمگیر ‘عبدالرزاق ‘جوائنٹ سیکرٹری زاہد علی چوہدری ‘خزانچی طاہر محمود منتخب ہو ئے جبکہ قمر ضیاء اولمپئن کو نمائندہ برائے پی ایچ اے منتخب کرلیا گیا ۔ انتخابات نمائندہ پی ایچ ایف طارق بٹ اور ڈسٹرکٹ سپورٹس آفیسر ساہیوال چوہدری عبدالقیوم گجر کی نگرانی میںشیخ ظفر علی سٹیڈیم میںدفتر ڈی ایس او ہوئے۔ پی ایچ ایف نے منظوری دیتے ہوئے باقاعدہ نوٹیفکیشن جاری کردیاہے۔قمر ضیاء اولمپئن نے نمائندہ پی ایچ ایف طارق بٹ ‘ڈسٹرکٹ سپورٹس آفیسر چوہدری عبدالقیوم گجر اور تمام کلبوں کے عہدیداران کاالیکشن پراسس میں حصہ لینے پر شکریہ ادا کیااور ہاکی سٹیڈیم میں جلد از جلد آسٹرو ٹرف لگوانے کیلئے ڈی او فیصل امیر خاں کی کوششوں کو سراہا اور آسٹروٹرف کی تنصیب کیلئے انہیں بھرپور کوششوں کا یقین دلایاہے۔