لاہور (سپورٹس رپورٹر) ایشین کرکٹ کونسل کے زیر اہتمام ایشیا کپ کرکٹ ٹورنامنٹ کے 16 ویں ایڈیشن میں کانٹے دار مقابلوں کا سلسلہ جاری ہے، جس کی میزبانی پاکستان اور سری لنکا کر رہے ہیں۔ ٹورنامنٹ کے سپر فور راﺅنڈ کا چوتھا میچ بھارت اور میزبان اور دفاعی چیمپئن سری لنکا کی ٹیموں کے درمیان (کل) آر پریما داس سٹیڈیم ، کولمبو میں کھیلا جائے گا۔ یہ میچ پاکستان کے معیاری وقت کے مطابق دن 2 بج کر 30 منٹ پر شروع ہو گا۔ سری لنکا کی ٹیم کو داسن شاناکا لیڈ کر رہے ہیں جبکہ بھارتی ٹیم مایہ ناز بلے باز روہت شرما کی زیر قیادت میدان میں اترے گی۔یہ ایشیا کپ کا 16 واں ایڈیشن ہے۔ ٹورنامنٹ کے میچز 30اگست سے 17ستمبر 2023 تک ون ڈے انٹرنیشنل فارمیٹ کے طور پر پاکستان اور سری لنکا میں کھیلے جائیں گے۔ ٹورنامنٹ کا فائنل میچ 17 ستمبر کوآر پریما داسا انٹرنیشنل کرکٹ سٹیڈیم ، کولمبو میں کھیلا جائے گا۔ سری لنکن ٹیم دفاعی چیمپئن ہے۔