اسلام آباد(اے پی پی)ترکیہ میں منعقد ہونے والی 3 روزہ بین الاقوامی نمائشسی فوڈ ایکسپو یوروایشیا میں شرکت کےلئے کل(منگل )تک درخواستیں جمع کرائی جا سکتی ہیں ۔ ٹریڈ ڈویلپمنٹ اتھارٹی آف پاکستان (ٹی ڈی اے پی) کی جانب سے جاری تفصیلات کے مطابق ترکیہ کے دار الحکومت استنبول میں عالمی تجارتی نمائش 7تا 9 دسمبرتک منعقد ہو گی۔ نمائش میں فشریز، ایکواکلچر ، پروسیسنگ اور بحری جہاز سازی سے متعلق اشیا کی نمائش کی جائے گی۔ نمائش میں مصنوعات/ خدمات تیارو برآمد کرنے والے ادارے شرکت کے ذریعے اپنی مصنوعات کی نمائش کے ساتھ ساتھ عالمی خریداروں سے کاروباری معاملات بھی طے کرسکیں گے جس سے قومی برآمدات کے فروغ اور قیمتی زرمبادلہ کے حصو ل میں مدد ملے گی۔نمائش کے حوالے سے مزید تفصیلات اتھارٹی کی ویب سائٹ سے بھی حاصل کی جاسکتی ہیں۔