ڈسکہ (نامہ نگار/نمائندہ خصوصی) سات روز قبل گھر سے غائب ہونے والے 2کزنوں کی نعشیں کھیتوں سے برآمد ہوئی ہیں۔ نواحی گاﺅں جنڈو ساہی کے ریاض کا بھانجا 20سالہ غلام مصطفی اور 21سالہ نواسہ سبحان گھرسے باہر گئے تو واپس نہ آئے۔ تھانہ بمبانوالہ پولیس نے ریاض احمد کی مدعیت میں نامعلوم ملزموں کے خلاف اغوا کا مقدمہ درج کر لیا تھا۔ گزشتہ روز دونوں کزنوں کی نعشیں کھیتوں سے ملیں جنہیں نامعلوم ملزموں نے تشدد کرکے موت کے گھاٹ اتار دیا تھا۔ پولیس نے نعشوں کو قبضہ میں لیکر پوسٹمارٹم کیلئے سول ہسپتال ڈسکہ پہنچا دیا۔ تاحال پولیس مصروف تفتیش ہے۔