نوجوانوں میں بے روزگاری کی شرح میں اضافے کی عالمی رپورٹ جاری

 نیو یارک(آئی این پی)عالمی سطح پر بڑھتی مہنگائی کے پیش نظر نوجوان طبقہ بے روزگاری کاشکار ہے،بے روز گار افراد ذہنی تنا و کا شکار ہو کرمایوسی کی طرف چلے جاتے ہیں جس سے نوجوان مختلف سماجی برائیوں،منشیات کی لت،چوری تشدد اور ملک دشمن عناصرکا حصہ بن جاتے ہیں،عالمی اعدادوشمارکے مطابق نوجوانوں کی بے روزگاری شرح میں اضافے کی رپورٹ سامنے آئی ہے۔جس میں جنوبی افریقہ 60.7فیصداضافے کے ساتھ پہلے نمبر پر ہے۔اس کے علاوہ نائیجریا 53.4فیصدر اضافے کے ساتھ دوسرے نمبر پرہے۔تیسرے نمبر پر سپین ہے جہاں27فیصد نوجوانوان بے روزگاری کا شکار ہے،سائیبریا24.7فیصداضافے کیساتھ چوتھے نمبر پر ہے۔سری لنکا 23.8فیصد پر اضافے کیساتھ پانچویں نمبر پر ہے۔ ترکی18.6فیصد نوجوان بے روز گاری کی شرح میں اضافے کیساتھ16ویں نمبر پر ہے،پاکستان میں صرف 39فیصد نوجوانوں کو روزگار کے مواقع حاصل ہیں،2022میں پاکستان میں نوجوانوں کی بے روزگاری کی شرح 11.31فیصد تھی جو 2021کے مقابلے میں 0.28فیصد زیادہ ہے۔