پولیس منشیات سے پاک لاہور کیلئے پر عزم ہے:سی سی پی او

لاہور (سٹاف رپورٹر) رواں سال منشیات فروشوں کیخلاف کریک ڈائون میں 6959مقدمات درج کر کے7171ملزمان کی گرفتاری عمل میں لائی گئی ہے۔سی سی پی او بلال صدیق کمیانہ نے کہا کہ لاہور پولیس منشیات سے پاک لاہور کیلئے پر عزم ہے۔ منشیات کے خاتمے کیلئے بڑے پیمانے پرکارروائیاں جاری ہیں۔ منشیات کی سمگلنگ اور استعمال کو روکنے کیلئے جامع حکمت عملی پر کاربند ہیں۔ تعلیمی اداروں کے اطراف میں منشیات فروشوں کی بیخ کنی کیلئے روزانہ کی بنیاد پرسرچ اور کومبنگ آپریشنزکئے جائیں۔