لاہور(نیوز رپورٹر) ربیع الاول کی مناسبت سے چلڈرن لائبریری کمپلیکس میں 3 روزہ سیرت کانفرنس شروع ہو گئی۔ پہلے روز منیجنگ ڈائریکٹر احمد خاور شہزاد کی زیر نگرانی سکولوں کے طلبہ و طالبات کیلئے مضمون نویسی، سیرت کوئز، نعت خوانی اور خطاطی کے مقابلے ہوئے جن میں لاہور کے 100سے زیادہ سرکاری و نجی سکولوں کے تقریبا 900 بچوں نے عقیدت و احترام اور جوش و جذبہ سے حصہ لیا۔ ختم نبوتؐ کے عنوان پر مضمون نویسی کے مقابلے میں 100 سے زائد بچوں نے مضامین لکھے۔ سیر ت کو ئز کے مقابلہ میں حیا ت طیبہؐ کے بارے میں سوالات پوچھے گئے۔