دبئی پلٹ شخص کے اندھے قتل کاسراغ، سگے بھائی قاتل نکلے

نوشہرہ ورکاں (نامہ نگار)دوبئی پلٹ شخص کا اندھا قتل ٹریس،دو سگے بھائی قاتل نکلے،بتایاگیا ہے کہ نواحی گاؤں منگوکی ورکاں میں چار ماہ قبل دوبئی پلٹ حاجی سیف اللہ کو دکان سے ملحقہ حویلی میں سوتے ہوئے نامعلوم افراد نے ہاتھ پاؤں باندھنے کے بعد سانس روک کرقتل کردیا تھا اور دکان سے نقدی اور دیگر اشیاء چرا کرفرار ہوگئے تھے پولیس نے دونوں قاتل بھائیوں افضال احمد اور افتخار احمد کو گرفتار کرلیا پولیس ذرائع کے مطابق دونوں بھائیوں نے قتل کی واردات سے دو روز قبل بھی مقتول کے سرہانے سے اسکا موبائل فون چرایا دو روز بعد دوبارہ واردات کی نیت سے حویلی میں داخل ہوئے اور سیف اللہ کو نیند کی حالت میں ہی موت کے گھاٹ اتار دیاچوری شدہ موبائل فون کے استعمال ہونے پر پولیس نے دونوں بھائیوں کوحراست میں لیا تو ملزمان نے قتل کااعتراف کرتے ہوئے آلہ قتل رسی کپڑا ودیگر چوری شدہ سامان برآمد کروا دیا۔ پولیس نے ملزمان کے گھر سے سرکاری سکول اور گاؤں میں ہونے والی متعدد چوری کی وارداتوں کا سامان بھی برآمد کیا۔