گوجرانوالہ:واسا کی غفلت ، مین بازار دھلے گندے نالے میں تبدیل

گوجرانوالہ(نمائندہ خصوصی)واسا کی غفلت کے باعث مین بازار دھلے گندے نالے میں تبدیل ‘ علاقہ مکینوں کو آمدورفت میں شدید پریشانی،ڈپٹی کمشنر ‘ایم ڈی واسا سے فی الفور نوٹس لینے کا مطالبہ کردیا گیا تفصیلات کے مطابق یونین کونسل 61 مین بازار دھلے میں گذشتہ کئی روز سے سیوریج سسٹم بند پڑا ہے جس کی وجہ سے سڑک گندے نالے کا منظر پیش کر رہی ہے۔گندے پانی کی وجہ سے ،نمازیوں ‘راہگیروں اور خاص طور پر گورنمنٹ گرلز پرائمری سکول کی طالبات کو بھی شدید پریشانی کا سامنا کرنا پڑ رہا ہے۔اہلیان علاقہ نے ڈپٹی کمشنر ‘ایم ڈی واسا و دیگر متعلقہ حکام سے فی الفور نوٹس لیکر سیوریج سسٹم بحال کرانے کا مطالبہ کیا ہے ۔