ننکانہ صاحب(نامہ نگار) کرنٹ لگنے سے 13 سالہ محنت کش بچے سمیت 2 افراد جاں بحق ہو گئے۔ تفصیلات کے مطابق نواحی قصبہ واربرٹن میں 13 سالہ محنت کش بچہ وسیم ہوٹل پر برقی مشین سے قیمہ نکال رہا تھا کہ اچانک سے مشین  میں کرنٹ آگیا اور کرنٹ لگنے سے موقع پر جاں بحق ہو گیا جبکہ نواحی گائوں چک چوہڑ شاہ میں ٹیوب ویل چلاتے ہوئے بجلی کا زدردار جھٹکا لگنے سے 50 سالہ صدا حسین زندگی کی بازی ہار گیا اطلاع پا کر ریسکیو 1122 کے عملہ نے ضروری کارروائی کے بعد ڈیڈ باڈی لواحقین کے حوالے کر دی ۔