شیخوپورہ (نمائندہ خصوصی) سابق خاتون اول بیگم کلثوم نواز کی چھٹی برسی کے موقع پر ضلعی صدر خواتین ونگ بینش قمر ڈار کی رہائشگاہ پر ان کی روح کے ایصال ثواب کیلئے قرآن خوانی کی گئی جس میں خواتین عہدیداران اور کارکنان کی بڑی تعداد نے شرکت کی اس موقع پرمرحومہ کی روح کے ایصال ثواب کیلئے خصوصی دعا اور انکی سیاسی جدوجہد کو خراج عقیدت پیش کیا گیا قرآن خوانی کے بعد گفتگو کرتے ضلعی صدر خواتین ونگ بینش قمر ڈارنے کہا کہ جب جمہوریت پر شب خون مارکر ایک جمہوری حکومت کا تختہ الٹ دیا گیا تو بیگم کلثوم نواز نے جرات اور بہادری کی مثال قائم کرتے ہوئے جمہوریت کی مضبوطی کیلئے عملی جدوجہد کی ان کی اس جدوجہد کو ہم بھرپور طریقے سے خراج عقیدت پیش کرتے ہیں ۔