وزیراعظم سے مسلم لیگ ن کے پارلیمانی وفد کی ملاقات

وزیراعظم محمد شہباز شریف سے خیبرپختونخوا سے مسلم لیگ ن کے پارلیمانی وفد نے ملاقات کی ہے۔ذرائع کے مطابق وزیراعظم محمد شہباز شریف سے خیبرپختونخوا سے مسلم لیگ ن کے پارلیمانی وفد نے ملاقات کی. جس میں رکن قومی اسمبلی سردار محمد یوسف اور اراکین خیبر پختونخوا اسمبلی سید قاسم علی شاہ اور سردار شاہ جہان یوسف شامل تھے۔ملاقات میں وزیراعظم کو خیبر پختونخوا میں جاری مختلف شعبوں کے ترقیاتی منصوبوں کی پیشرفت کے حوالے سے آگاہ کیا گیا۔وفد نے خیبر پختونخوا میں ترقیاتی منصوبوں کی بروقت تکمیل کے لیے وفاقی حکومت کی جانب سے بھرپور تعاون پر وزیراعظم کا شکریہ ادا کیا۔دوران ملاقات وفد نے ملک میں حالیہ معاشی استحکام پر وزیراعظم کو خراج تحسین پیش کیا اور عوامی فلاح و بہبود کی خاطر لیے جانے والے تمام اقدامات کے لیے بھرپور تعاون کا اعادہ کیا۔