کراچی: فائرنگ اورپرتشدد واقعات کے نتیجے میں تین افراد اپنی جان سے ہاتھ بیٹھے. تین افراد زخمی ۔

آج صبح ماڑی پورکے علاقے مشرف کالونی میں نامعلوم افراد نے ہوٹل پرفائرنگ کردی جس کے نتیجے میں ایک شخص جاں بحق ہوگیا۔ اس سے قبل رات گئے گلشن حدید لنک روڈ کے قریب سے ایک شخص کی تشدد زدہ لاش برآمد ہوئی ہے۔ پولیس کے مطابق مقتول کو شدید تشدد کا نشانہ بنانے کے بعد گولیاں مارکرقتل کیا گیا، مقتول کی شناخت عامر کے نام سے کی گئی ہے۔ ادھربھینس کالونی کے قریب عبداللہ گوٹھ میں ڈکیتی کے دوران مزاحمت پر ڈاکوؤں کی فائرنگ سے عبید نامی شخص جاں بحق ہوا۔ لیاری کے علاقے آگرہ تاج کالونی میں دو گروہوں کے درمیان مسلح تصادم کے نتیجے میں تین افراد زخمی ہوئے جنہیں سول اسپتال منتقل کیا گیا۔ دوسری جانب جمعرات کو سولجر بازار میں تین سٹی وارڈنز کی ٹارگٹ کلنگ کا مقدمہ سٹی وارڈنز ہیڈکوارٹرز کے آپریشنل مینیجر حارث ضیاء صدیقی کی مدعیت میں چار نامعلوم افراد کے خلاف درج کرلیا گیا ہے۔