لاڑکانہ(آن لائن) لاڑکانہ میں جونیجو برادری کے درمیان مسلح تصادم کے نتیجے میں دو بھائیوں سمیت تین ا فراد جاں بحق‘ دو زخمی ہوگئے۔ واقعہ لاڑکانہ کے قریب مندرہ میں اس وقت پیش آیا جب جونیجو برادری کے لوگ کار میں سوار ہوکر پیشی کیلئے عدالت آرہے تھے کہ مسلح افراد نے گائوں چنہ کے قریب ان پر اندھا دھند فائرنگ کردی جس کے نتیجے میں کار میں سوار دو سگے بھائی اعجاز اور مبین جبکہ ان کا ڈرائیور موقع پر جاں بحق اور دو افراد زخمی ہوگئے۔