منیر نیازی کی یاد میں الحمرا میں محفل مشاعرہ و موسیقی کا اہتمام

لاہور (کلچرل رپورٹر) معروف شاعر منیر نیازی کی یاد میں لاہور آرٹس کونسل نے محفل مشاعرہ و موسیقی کا اہتمام کیا۔ تقریب کی صدارت ڈاکٹر خورشید رضوی نے کی۔ مہمان خصوصی بیگم ناہید منیر نیازی تھیں۔ شعرا میں ناصر زیدی، کیپٹن (ر) عکا محمد خان، خالد شریف، حسین مجروح، زاہد مسعود، ناصر بشیر، صوفیہ بیدار، نجیب احمد، اقبال راہی، نیاز حسین لکھویرا، نیلم ناہید درانی اور ڈاکٹر صغریٰ صدف شامل تھے۔ گلوکار آصف جاوید اور گلوکارہ احسن علی نے منیر نیازی کا کلام گا کر سنایا۔