جمیکن اتھلیٹ یوسین بولٹ نے کامن ویلتھ گیمز میں گلیمر پیدا کر دیا

گولڈ کوسٹ (سپورٹس رپورٹر) جمیکن اتھلیٹ یوسین بولٹ نے کامن ویلتھ گیمز میں گلیمر پیدا کر دیا ۔ وہ گزشتہ روز پہلے تو ہوٹل میں قیام کرتے رہے اور بعد ازاں کامن ویلتھ گیمز کے مقابلے دیکھنے کیلئے آئے جہاں ان کا شاندار استقبال کیا گیا ۔ انہوں نے نیوز کانفرنس کی اور اپنے خیالات کا اظہار کیا ۔ انہوں نے کہا کہ جو کچھ کیا وہ ماضی کا حصہ بن گیا او رمستقبل کے بارے میں سوچ رہا ہوں ۔ کامن ویلتھ گیمز ہر کسی کیلئے بہت اہم ہوتے ہیں مگر فیصلہ اپنا ہی ہوتا ہے ۔ ٹوکیو اولمپکس 2020ءکے حوالے سے کہا کہ میری شرکت کے بارے میں کچھ کہنا غلط ہے ۔ میں شریک نہیں ہونگا۔