ویمنز ہاکی : نیوزی لینڈ انگلینڈ کو ہرا کر فائنل میں پہنچ گیا

گولڈ کوسٹ (سپورٹس رپورٹر) نیوزی لینڈ نے انگلینڈ کو کامن ویلتھ گیمز ویمنز ہاکی کے سیمی فائنل میں شکست دے کر فائنل کیلئے کوالیفائی کر لیا ۔ گزشتہ روز کھیلے گئے میچ میں دونوں ٹیمیں مقررہ وقت میں کوئی گول نہ کرسکیں ۔ پنالٹی شوٹ آﺅٹ پر نیوزی لینڈ نے انگلش ٹیم کو ایک کے مقابلے میں دو گول سے شکست دی ۔ انگلینڈ ویمنز ٹیم اب کل کانسی کے تمغہ کیلئے میدان میں اترے گی ۔ نیوزی لینڈ کی ویمنز ٹیم گولڈمیڈل کیلئے کل آسٹریلیا کی ویمنز ٹیم کا مقابلہ کریگی ۔ پوزیشن میچوں میں ویلز نے گھانا کو شکست دے کر نویں پوزیشن حاصل کی ۔ سکاٹ لینڈ نے ملائیشیا کو شکست دے کر ساتویں پوزیشن اپنے نام کرلی ۔ انگلینڈ اور آسٹریلیا کی مینز ٹیموں کے درمیان سیمی فائنل بھی آج کھیلا جائے گا۔ آسٹریلیا کو میچ کیلئے فیورٹ قرار دیا جا رہا ہے ۔