اردو فلم’’ کون ہے ‘‘کی نمائش کیلئے 50سے زائد سینماگھروں سے معاہدے

لاہور(کلچرل رپورٹر )ہدایتکار سید قاسم نے اپنی اردو فلم’’ کون ہے ‘‘کی نمائش کیلئے ملک بھر کے 50سے زائد سینماگھروں سے معاہدے کر لیے ۔فلم کی کاسٹ میں جیا علی ، جان عمرقاضی،کرن نور،ریجا، مسکان جے ، راشد محمود،اظہر رنگیلا،رضا اور نواز خان شامل ہیں۔سید قاسم نے بتایا کہ فلم کی نمائش 26اپریل کوہوگی۔یہ ایک ہارر فلم ہے جس میں ایکشن کے ساتھ ساتھ رومانس بھی دکھایا گیا ہے ۔فلم عام سے بالکل مختلف اورمنفرد ہے جس میںاداکار نواز خان نے ڈریکولاجیسا کردار ادا کیا ہے تاہم کون ہے کی کہانی بالکل مختلف ہے ۔یہ فلم ہرطبقہ اورعمر کے افراد کیلئے بنائی ہے ۔ امیدہے کہ شائقین اسے پسندکریں گے ۔