لاہور (نوائے وقت رپورٹ) پی ٹی آئی رہنما عبدالعلیم خان کو پنجاب کابینہ میں دوبارہ شامل کرنے کا فیصلہ کیا گیا ہے۔ وہ آج شام 5 بجے حلف اٹھائیں گے۔ تقریب حلف برداری گورنر ہائوس میں ہوگی۔ عبدالعلیم خان نے گزشتہ روز وزیراعلیٰ پنجاب عثمان بزدار سے ملاقات کرکے ان کے تحفظات دور کئے۔ عبدالعلیم خان وزیراعظم عمران خان سے بھی ملاقات کرچکے ہیں۔ عبدالعلیم خان نے نیب کیس میں گرفتاری کی وجہ سے وزارت سے استعفیٰ دے دیا تھا۔