پولیس لائن ہیڈ کوارٹرز اسلام آباد میں 34ویں پاسنگ آئوٹ پریڈ 

اسلام آباد (اپنے سٹاف رپورٹر سے) پولیس لائن ہیڈ کوارٹرز اسلام آباد میں134 ریکروٹس کی ٹریننگ مکمل ہونے کے بعد 34ویں پاسنگ آئوٹ پریڈ منعقد ہوئی آئی جی اسلام آباد قاضی جمیل الرحمان پاسنگ آئوٹ پریڈ میں مہمان خصوصی تھے اورپریڈ کا معائنہ کیا اس موقع پرآئی جی اسلام آباد قاضی جمیل الرحمان نے پاسنگ آئوٹ پریڈ سے خطاب کرتے ہوئے کہا کہ میرے لئے یہ بات باعث مسرت ہے کہ میں اسلام آباد پولیس کی پاسنگ آئوٹ پریڈ میں بطور مہمان خصوصی شریک ہوا ہوں اس بنیادی کورس کے بعد آپ پولیس افسر بن چکے ہیں،میں ا یس ایس پی ہیڈ کوارٹر،پرنسپل پولیس ٹریننگ سکول کو جوانوں کی بہترین تربیت کی تکمیل پر مبارکباد پیش کرتا ہوں جنھوں نے کورونا وبا کے پھیلائوکے باوجود تمام حفاظتی اقدامات کا خیال رکھتے ہوئے محدود وسائل میں کم سے کم وقت میں جوانوں کو بہترین محکمانہ تربیت دی آپ خوش قسمت ہیں جن کو اللہ تعالی نے عوام کی بھلائی کے لئے موقع فراہم کیا ۔