یو اے ای کا تعاون، فاطمہ جناح  پا رک میں تعمیر ہو نیوالی مسجد کا افتتاح 

اسلام آباد(نا مہ نگار)فاطمہ جناح پارک اسلام آباد میں متحدہ عرب امارات کے تعاون سے تعمیر ہونے والی ''خالد الکابی'' مسجد کا افتتاح کر دیا گیا۔ افتتاحی تقریب میں متحدہ عرب امارات کے سفیر حماد عبید ابراہیم الزابی اور وزیر مملکت برائے پارلیمانی امور علی محمد خان کے علاوہ دیگر اہم شخصیات نے شرکت کی۔ اس موقع پر تقریب کے شرکا نے متحدہ عرب امارات کی طرف سے وفاقی دارالحکومت اسلام آباد کے فاطمہ جناح پارک میں مکمل طور پر ایئر کنڈیشنڈ مسجد کے تحفہ کو دونوں ممالک کے درمیان دوستی کی عمدہ مثال قرار دیا۔