پنڈ فضل خان گاوں کی ٹیم نے بولیانوال گاؤں کو ہرا کر کرکٹ ٹورنامنٹ جیت لیا 

فتح جنگ(نامہ نگار )تحصیل فتح جنگ کے گاوں سقہ آباد میں کھیلے جانے والے کرکٹ فائنل ٹورنامنٹ میں پنڈ فضل خان گاوں کی ٹیم نے بولیانوال گاوں کی ٹیم کو سخت مقابلہ کے بعد شکست سے دوچار کر دیا میچ کے مہمان خصوصی معروف سماجی شخصیت ملک احسن نے کھلاڑیوں میں انعامات تقسیم کیے اور خطاب کرتے ہوئے گاوں پنڈ فضل خان کی کرکٹ ٹیم کی کارکردگی کو سراہتے ہوئے کہا کہ کھلاڑیوں کی حوصلہ افزائی اور کرکٹ کے فروغ کیلئے جب بھی ان کی ضرورت پڑی تو وہ حاضر ہوں گے اس موقع پر حاجی اظہر ، ماسٹر نیاز ، حاجی ناصر خان ، عارف خان ، نثار احمد ، حافظ بہرام ، جہانزیب علی ، ملک مبشر ، امجد علی ، ماسٹر مسعود ، ملک سجاد کومنٹیٹر سجاد خان ، فہد یار ، خرم کھٹڑ ، راحت علی ، احسن خان اور علاقہ بھر سے آئے ہوئے شائقین کرکٹ کی کثیر تعداد نے شرکت کی تقریب سے خطاب کرتے ہوئے چیف انتظامیہ ملک راشد خا ن نے کھلاڑیوں اور کرکٹ کے شائقین سمیت معزز ین علاقہ کا شکریہ ادا کیا ۔