لندن (اے پی پی)مارک ڈیوس نے سٹورٹ کیرنگٹن، ریان ڈے نے لوئس ہیتھکوٹ، رکی والڈن نے پیٹر لائنز، مارک جوئس نے انتھونی ہیملٹن، ایگور فیگریڈو نے دیپیسیا ان نوح اور جمی کلارک نے جو پیری کو شکست دے کر ورلڈ سنوکر چیمپئن شپ کوالیفائرز کے چوتھے رائونڈ میں جگہ بنا لی۔ کوالیفائرز ٹورنامنٹ کے دلچسپ مقابلوں کا سلسلہ انگلینڈ کے شہر شیفیلڈ میں جاری ہے۔ ایونٹ کے تیسرے رائونڈ میں انگلینڈ کے مارک ڈیوس نے ہم وطن حریف سٹورٹ کیرنگٹن کو 4-6 سے ہرایا۔ ویلز کے ریان ڈے نے انگلینڈ کے لوئس ہیتھکوٹ کو سخت مقابلے کے بعد 5-6 سے شکست دی اور اگلے رائونڈ میں رسائی حاصل کی۔ انگلینڈ کے رکی والڈن نے ہم وطن حریف پیٹر لائنز کو بآسانی 1-6 سے ہرایا۔ انگلینڈ کے مارک جوئس نے ہم وطن حریف انتھونی ہیملٹن کو 4-6 سے شکست دی۔ برازیل کے ایگور فیگریڈو نے تھائی لینڈ کے دیپیسیا ان نوح کو 5-6 اور ویلزکے جمی کلارک نے انگلینڈ کے جو پیری کو 2-6 ہرا کر اگلے رائونڈ کیلئے کوالیفائی کر لیا۔ واضح رہے کہ ورلڈ سنوکر چیمپئن شپ 17 اپریل سے انگلینڈ میں شروع ہو گی۔