لاہور(سپورٹس رپورٹر) قومی وکٹ کیپر کامران اکمل نے محمد رضوان کو خود سے بہتر کھلاڑی تسلیم کر لیا۔انہوں نے کہا کہ ون ڈے کرکٹ میں محمد رضوان کی ایسی ہی کارکردگی رہی تو حارث، روحیل نذیر اور بسم اللہ خان میں سے کوئی بھی ان کی جگہ حاصل نہیں کرسکتا۔آسٹریلیا کیخلاف ہوم سیریز میں خود غرضانہ کرکٹ کھیلی گئی، ٹیم کو فائدہ پہنچانے کے بجائے بابراعظم یا کوئی دوسرا کھلاڑی خود کو بچانے اور اپنی ذات کیلئے کھیلے ، یہ عمل درست نہیں۔ تجربات کرنے سے پاکستان کرکٹ کو بہت نقصان پہنچا،عمران خان کے دور اقتدار میں کہتا رہا کہ ڈیپارٹمنٹل کرکٹ کو بند کرنا نقصان دہ ہے۔ جب محسوس کیا کہ کرکٹ کیلئے موزوں نہیں تو کھیل کو خیرباد کہہ دوں گا۔