لاہور(سپورٹس ڈیسک )معروف امریکی گالفر ٹائیگر ووڈز نے کہاہے کہ میں اب کبھی گالف کے پورے شیڈول میں حصہ نہیں لوں گا۔گالفر ٹائیگر ووڈز نے برٹش اوپن گالف میں شرکت کا اعلان کرتے ہوئے کہا ہے کہ میں صرف بڑے ایونٹس میں شرکت کروں گا۔ مجھے اس وقت صرف برٹش اوپن میں شرکت کا علم ہے، برٹش اوپن دل کے بہت قریب ہے، سینٹ اینڈریوز میں دوبار جیت چکا ہوں۔خیال رہے کہ کار کریش کے بعد ٹائیگر ووڈز ریکوری کے عمل سے گزر رہے ہیں، انہوں نے حادثے کے بعد اگسٹاماسٹرز میں حصہ لیا اور47 ویں نمبر پر رہے۔