شعیب ملک جلد یاسر نواز کی فلم میں اداکاری کے جوہر دکھائینگے

لاہور(کلچرل رپورٹر) معروف کرکٹر شعیب ملک نے کہا ہے کہ وہ جلد ایک فلم میں اداکاری کرتے نظر آئیں گے۔انہوں نے انکشاف کیا کہ وہ جلد ہدایت کار اور اداکار یاسر نواز کی آنے والی ایک نئی فلم میں ایک چھوٹا سا کردار ادا کرتے دکھائی دیں گے، تاہم انہوں نے اس حوالے سے مزید کوئی وضاحت نہیں دی۔یاد رہے کہ یاسر نواز کی اس آنے والی فلم کا نام چکر ہے جس میں اداکارہ نیلم منیر اور احسن خان مرکزی کردار ادا کر رہے ہیں، فلم کا ٹریلر جاری کر دیا گیا ہے جبکہ فلم عید الفطر پر ریلیز کی جائیگی۔