لاہور(سپورٹس ڈیسک)ویمنز انٹرنیشنل فرینڈلیز میں برازیل نے ہنگری اور ارجنٹائن نے چلی کو شکست دے دی۔ پناتور ارینا فٹبال سنٹر میں کھیلے گئے میچ میں برازیل نے ہنگری کو ایک کے مقابلے میں تین سے ہرایا، فاتح ٹیم کی طرف سے گیبی نونس نے شاندار کھیل پیش کیا اور دو گول سکور کئے۔ جوآن گلبرٹو سٹیڈیم میں کھیلے گئے میچ میں ارجنٹائن نے چلی کیخلاف سخت مقابلے کے بعد 0-1 سے کامیابی حاصل کی۔ فاتح ٹیم کی طرف سے یمیلا روڈریگز نے واحد اور فیصلہ کن گول سکور کیا۔