جو لوگ ہمارے ڈونرز کوگمراہ کر رہے تھے انکانقاب اترگیا : شوکت ورک

  لاہور(کامرس رپورٹر) ڈاکٹر اے کیو خان ہسپتال ٹرسٹ کے بانی ٹرسٹی وجنرل سیکرٹری ڈاکٹر شوکت بابر ورک نے کہا ہے کہ جو لوگ ہمارے ڈونرز کوگمراہ کر رہے تھے ان کے چہروں سے نقاب اترگیا۔کسی کامیاب انسان کے ساتھ نسبت یقینا صلاحیت کی متبادل نہیں ہوسکتی۔ایک خودساختہ چیئرپرسن نے اپنی بوگس تقرری کے بارے میں مبینہ جعلی سٹامپ پیپر پرجو جھوٹ کی عمارت تعمیر کی تھی وہ سچائی کی کاری ضرب سے زمین بوس ہوگئی۔ایک نیک نام فلاحی ہسپتال اوراس کے باوقار ٹرسٹیز کیخلاف دشنام طرازی کرنیوالے عناصر عنقریب  قانونی کاروائی کاسامناکرنے کیلئے تیاررہیں۔