پتوکی: میونسپل کمیٹی کی نااہلی ‘ شہر کے متعدد مین ہولز کے دھکن غائب

پتوکی(نمائندہ نوائے وقت) میونسپل کمیٹی کی نااہلی اور عدم توجہی کے باعث شہر کے متعدد سیوریج مین ہولز کے دھکن غائب ہوگے حادثات سمیت جانی نقصان کا خطرہ منڈلانے لگا۔ علامہ اقبال روڈ،دربار روڈ، مدینہ کالونی بازار،مین بازار سمیت،چونیاں روڈو دیگر علاقوں کے سیوریج مین ہولز کے ڈھکن ٹوٹ گے جبکہ متعدد غائب ہو گے۔ شہری تنظیموں کے عہدیداروں سبط حسن نقوی، آصف محمود ہنجرائ، دانش سلیم رامے، ڈاکٹر عدیل احمد و دیگر نے احتجاج کرتے کہا کہ میونسپل کمیٹی حکام ویسے تو کام کاج کرانے کے نام پربوگس بلز تو پاس کرانے میں پیش پیش رہتے ہیں ویسے حقیقت میں ان کی کارکردگی صرف کاغذات اور زبانی جمع خرچ تک محدود ہے اسوقت متعدد علاقوںمیں سیوریج کے مین ہولز کے ڈھکن یا تو غائب ہوچکے ہیںیا پھر ٹوٹ چکے ہیں کھلے جس پر انہوں نے اعلیٰ حکام سمیت ڈپٹی کمشنر قصورارشد بھٹی ،اسسٹنٹ کمشنر پتوکی اویس چشتی سے نوٹس لینے کا مطالبہ کیا ہے ۔