گھریلو ناچاقی ‘شوہر نے فائرنگ کرکے بیوی کو زخمی کردیا ‘ملزم گرفتار

لاہور(نامہ نگار)لیاقت آباد کے علاقے میں شوہر نے بیوی کو قتل کرنے کیلئے اس پر فائرنگ کر دی۔فائرنگ کی زد میں آکربیوی شدید زخمی جبکہ پولیس نے ملزم شوہر کو گرفتار کرلیا گیا ہے۔ لیاقت آباد کے علاقے میں صفیہ مقامی پلازے میں قائم کال سنٹر میں ملازمت کرتی ہے،وہ سے فارغ ہو کر واپس آرہی تھی کہ راستے میں اس کے شوہر فہد نے اس پر فائرنگ کردی۔فائرنگ کی زد میں آکر صفیہ شدید زخمی ہو گئی جبکہ ملزم فہد موقع سے فرار ہوگیا۔ ملزم فہد کی 2 سال قبل صفیہ سے شادی ہوئی تھی۔ملزم فہد نے گھریلو ناچاقی پر بیوی پر حملہ کیا تھا۔ریسکیو ٹیم نے زخمی خاتون کو ہسپتال منتقل کر دیا جبکہ لیاقت آباد پولیس نے فرار ملزم حمزہ کو مڑھیاں سٹاپ سے گرفتارکر کے پستول اور گولیاں برآمد کر کے مقدمہ درج کرلیا ہے۔