اسلام آباد: وزیراعظم شہباز شریف نےکہا ہے کہ عمران نیازی کی منافقت کی کوئی حد نہیں ہے ۔
تفصیلات کے مطابق سماجی رابطے کی ویب سائٹ ٹوئٹر پر ایک بیان میں وزیراعظم شہباز شریف نے کہا ہے کہ عمران خان نے پہلے امریکا پر حکومت گرانے کا الزام لگایا. اب عمران خان معاملات ٹھیک کرنےکیلئے آمادہ کررہے ہیں۔وزیر اعظم شہباز شریف نے کہا کہ عمران نیازی کی منافقت کی کوئی حد نہیں، پہلے الزام لگایا کہ امریکا نے ان کی حکومت گرائی۔ٹوئٹر پیغام میں وزیر اعظم نے کہا کہ اپنی حکومت گرانے کا الزام لگانے کے بعد عمران خان امریکا کو خوش کرنے کی کوشش کررہا ہے .جس کامقصد تعلقات درست کرنا ہے۔
From accusing the United States of toppling his government to now wooing the US to mend fences, Imran Niazi's hypocrisy knows no bounds. In the process, his lies & lust for power have imperiled Pakistan's vital foreign policy interests.
— Shehbaz Sharif (@CMShehbaz) April 13, 2023
پیغام میں وزیر اعظم نے عمران خان کو تنقید کا نشانہ بناتے ہوئے کہا کہ اس عمل کے دوران عمران نیازی کے جھوٹ اور اقتدار کی ہوس نے خارجہ پالیسی کے اہم مفادات کو خطرے میں ڈال دیا۔
خیال رہے کہ اس سے قبل وزیر اعظم شہباز شریف کی زیر صدارت وفاقی کابینہ کا آج بلایا گیا اجلاس ملتوی ہوگیا۔وزیر اعظم شہباز شریف نے ملک کی سیاسی صورتحال اور سپریم کورٹ میں ہونے والی پیشرفت پر مشاورت کیلئے اتحادی جماعتوں کا اجلاس بھی آج طلب کیا تھا۔آج سپریم کورٹ میں الیکشن التوا از خود نوٹس کیس کی سماعت بھی ملتوی کردی گئی ہے۔ چیف جسٹس کا کہنا تھا کہ عدلیہ کی آزادی پر سوال ہے۔ ہم پارلیمنٹ کا احترام کرتے ہیں۔
