کامونکی: ڈکیتی کی آٹھ مختلف وارداتوں میں متعدد افراد کو لوٹ لیا گیا

کامونکی(نمائندہ خصوصی) ڈکیتی کی آٹھ مختلف وارداتوں میں متعدد افراد کو لوٹ لیا گیا۔نواحی گاؤں کھوتڑے کا فاروق موٹر سائیکل پر حمید پور ورکاں جارہا تھا کہ شہتے ویراں کے نزدیک تین ڈاکوؤں نے اْسے روک کر فاروق سے تینتیس ہزار پانچ سو روپے اور موبائل فون چھین کر لے گئے۔موضع سندرانہ کا محمدا رشاد اور اْسکی فیملی کیری ڈبہ پر گوجرانوالہ سے واپس آرہے تھے شہتے ویراں سروس روڈ پر موٹر سائیکل سوار دو ڈاکوؤں نے اْنہیں روک لیا اور ارشاد سے پچپن ہزار تین سو روپے اور اْسکی اہلیہ سے طلائی زیورات چھین کر فرار ہوگئے۔نجی موبائل کمپنی کا سیلز مین پْرانی آبادی کا محمد شاہد ریکوری کی رقم جمع کروانے جارہا تھا جی ٹی روڈ چیانوالی کے نزدیک دو ڈاکو اْس سے دو لاکھ روپے لوٹ کر لے گئے۔درگاہ پورکا محمد عمر موٹر سائیکل پر لاہور سے واپس آرہا تھا گھوماں روڈپر ناکہ لگائے تین ڈاکوؤں نے عمر سے تیس ہزارروپے اور موبائل فون چھین کر لے گئے۔مچھرالہ کا غلام محی الدین محلہ حبیب پورہ میں اپنی دْودھ کی دْکان پر موجود تھا اس دوران موٹر سائیکل سوار دو ڈاکواْس سے ایک لاکھ دس ہزارروپے اور موبائل فون چھین کر لے گئے۔