لاہور(سپورٹس رپورٹر)پاکستان کے سابق کپتان سرفراز احمد نے محمد رضوان کو بہترین وکٹ کیپر بیٹر قرار دیا ہے۔انہوں نے کہا کہ محمد رضوان وقت کے ساتھ ساتھ زیادہ بہتر ہو گئے ہیں جس طرح سے وہ کھیل رہے ہیں اس سے وہ مزید بہتر ہو رہے ہیں لہذا میرے خیال میں، موجودہ وقت میں وہ بہترین وکٹ کیپر بیٹر ہیں۔سرفراز احمد نے پھر دعویٰ کیا کہ کسی کھلاڑی کو مسلسل مواقع فراہم کرنے سے انہیں اعتماد ملتا ہے جو بالآخر بہتر کارکردگی کا باعث بنتا ہے۔ جب میں کھیل رہا تھا تو کارکردگی تقریبا ایک جیسی تھی جب آپ مسلسل کھیلتے ہیں تو آپ کا اعتماد بڑھتا ہے اور جیسا کہ میں نے بین الاقوامی کرکٹ میں پہلے کہا تھا، آپ جتنا زیادہ کھیلیں گے، اتنا ہی بہتر ہو گا۔ جس طرح سے رضوان کھیل رہا ہے اور مسلسل مواقع حاصل کر رہا ہے اس کا اعتماد بڑھ رہا ہے اور بہتر سے بہتر ہو رہا ہے۔