لاہور(سپورٹس رپورٹر)بھارتی معروف ٹینس اسٹار، ثانیہ مرزا نے اپنے سوشل میڈیا اکاؤنٹ انسٹاگرام پر عیدالفطر کی لْک شیئر کی ہے۔بین الاقوامی شہرت یافتہ کھلاڑی کو عید کے موقع پر چھوٹی بہن، بہنوئی، والد اور والدہ کے ہمراہ دیکھا جا سکتا ہے۔ثانیہ مرزا نے اپنی انسٹاگرام اسٹوری پر بیٹے، اذہان مرزا ملک کے ساتھی بھی ایک تصویر شیئر کی ہے۔ثانیہ مرزا نے اپنی پوسٹس میں سب مسلمانوں کو عیدالفطر کی مبارکباد دی ہے۔تصاویر میں دیکھا جا سکتا ہے کہ ثانیہ مرزا نے اس عید پر ہلکے رنگ کے لباس کا انتخاب کیا ہے جبکہ اذہان مرزا ملک نے اپنی والدہ کیساتھ میچنگ کْرتا اور پاجامہ پہنا ہوا ہے۔ ثانیہ مرزا کی چھوٹی بہن انعم مرزا نے گلابی جبکہ ان کی والدہ نے مرون رنگ پہنا ہوا ہے۔یاد رہے کہ ثانیہ مرزا اور پاکستانی کھلاڑی شعیب ملک میں طلاق کے بعد یہ پہلی عید ہے، اذہان مرزا ملک نے یہ عید اپنی والدہ کے ہمراہ بھارت میں منائی ہے۔