بابر اعظم ڈاٹ بال بہت کم کھیلتے ہیں: فخر زمان 

لاہور(سپورٹس رپورٹر)قومی ٹیم کے اوپنر بیٹر فخر زمان نے کہاہے کہ بابر اعظم ڈاٹ بال بہت کم کھیلتے ہیں۔ میں تقریباً 11 سے 12 کھلاڑیوں کے اتھ اوپننگ کرچکا ہوں۔ مجھے بابر اعظم کیساتھ اننگز کا آغاز کرنے میں مزہ آتا ہے کیونکہ وہ ڈاٹ بال کم کھیلتے ہیں تو آپ پر دباؤ نہیں آتا۔ میں شروع سے ہی جارحانہ انداز میں بیٹنگ کرتا ہوں اور میرا کام یہی ہوتا ہے کہ پارٹنر کیلئے آسان بناؤں لیکن مجھے ایسا لگتا ہے کہ جب بھی بابر کیساتھ کھیلا تو وہ میرے لیے آسانیاں پیدا کررہے ہیں۔ بابر اعظم سٹرائیک روٹیٹ کرتے ہیں اور لوز بال پر باؤنڈری لگاتے ہیں جسے دیکھ کر مزہ آتا ہے کہ کسی کھلاڑی کیساتھ کھیل رہا ہوں۔ پریکٹس کی وکٹیں صحیح نہیں ہوتیں اس پر بیٹنگ کرنا مشکل ہوتا ہے لیکن بابر وہاں بھی عمدہ بیٹنگ کرتے ہیں جس سے ہم سیکھتے ہیں اور یہ بھی پتا چلتا ہے کہ بابر اعظم کس لیول کے پلیئر ہیں۔