کلر سیداں،گھریلو ناچاقی پرفائرنگ سے ساس قتل، بیوی شدید زخمی

کلر سیداں (نامہ نگار)نواحی قصبہ چوآخالصہ میں چوہدری شعیب الطاف نے گھریلو ناچاقی پر گولیاں مار کر ساس کو قتل جبکہ بیوی کو شدید زخمی کر دیا،یہ واقعہ چوآ خالصہ کے محلہ اکبری میں پیش آیا جہاں شعیب الطاف اور اس کی بیوی کے درمیان لڑائی جھگڑا چل رہا تھا کہ اس دوران اس کی 45سالہ ساس ساحرہ بانو بھی آ گئی جس سے کشیدگی مزید بڑھی اور شعیب الطاف نے مشتعل ہو کر کلاشنکوف سے فائرنگ کر کے اپنی ساس کو قتل جبکہ بیوی کو زخمی کر دیا۔واقعہ کی اطلاع ملتے ہی پولیس موقع پر پہنچ گئی اور زخمی خاتون کو ٹی ایچ کیو ہسپتال کلر سیداں سے ابتدائی طبی امداد کے بعد راولپنڈی منتقل کر دیا جبکہ مقتولہ کا پوسٹمارٹم کروانے کے بعد نعش اس کے خاوند ساجد علی کے حوالے کر دی۔دریں اثناء بشندوٹ کے قریب لڑائی جھگڑے کے ایک اور واقعہ میں فائرنگ سے تین افراد زخمی ہو گئے۔زخمیوں  میں عقیق،شہزاد اور اللہ دتہ شامل ہیں۔وجہ عناد زمین کا تنازعہ ہے۔